Ushbu nufuzli musobaqada dunyoning 70 ta davlatidan kelgan 394 nafar shaxmatchi ishtirok etyapti. Oʻzbekiston terma jamoasi 14 nafar etakchi sportchi bilan bahslarga kirishdi.
Musobaqaning Rapid boʻyicha 1-kuni ishtirokchilar 5 ta turda oʻzaro dona surishdi. Shaxmatchilarimiz orasida eng yaxshi natija hozircha Javohir Sindarovda boʻlib turibdi. Yaqindagina Jahon kubogini qoʻlga kiritgan Sindarov 5 imkoniyatdan 4 ochko jamgʻarib, qoʻshimcha koʻrsatkichlarga koʻra 13-oʻrinni egallab turibdi. Muhiddin Madaminov va Nodirbek Abdusattorov tajribali raqiblarga qarshi bahslarda 3,5 ochko toʻplashdi.
Ayollar oʻrtasida Afruza Hamdamova 3 ochko bilan terma jamoamizdagi eng yaxshi natijani qayd etmoqda – 22-oʻrin. Gulruhbegim Toxirjonova 2 ochko bilan hozircha 56-pogʻonada bormoqda. Bugun rapid bahslari davom ettiriladi.
Oʻzbekiston shaxmatchilarining Rapid boʻyicha birinchi kun natijalari:
Erkaklar:
1. Javohir Sindarov – 4 ochko, 13-oʻrin
2. Muhiddin Madaminov – 3,5 ochko, 40-oʻrin
3. Nodirbek Abdusattorov – 3,5 ochko, 55-oʻrin
4. Jahongir Vohidov – 2,5 ochko, 107-oʻrin
5. Shamsiddin Vohidov – 2,5 ochko, 134-oʻrin
6. Humoyun Begmuratov – 2,5 ochko, 136-oʻrin
7. Nodirbek Yakubboev – 2 ochko, 173-oʻrin
8. Muhammadzo hid Suyarov – 1 ochko, 220-oʻrin
Ayollar:
1. Afruza Hamdamova – 3 ochko, 22-oʻrin
2. Gulruhbegim Toxirjonova – 2 ochko, 56-oʻrin
3. Guldona Karimova – 2 ochko, 68-oʻrin
4. Umida Omonova – 2 ochko, 70-oʻrin
5. Madinabonu Xalilova – 1,5 ochko, 93-oʻrin
6. Nilufar Yakubbaeva – 0,5 ochko, 133-oʻrin