Европа клубларининг Эко-лойиҳалари ва Роналдунинг сахий совғаси
Европанинг йирик клублари атроф-муҳитни асрашга қаратилган ташаббуслари билан ажралиб туришмоқда. Масалан, “Ювентус” ҳар бир гол учун Турин атрофида 200 тупдан кўчат экиш акциясини ўтказмоқда ва 2022 йилдан кейин 32 минг тупга яқин кўчат ўтқазди. “Арсенал” Кенияда 19 та “Эмирейтс” стадиони ҳудудига тенг чўл зонасини яшил ҳудудга айлантириш учун 35 мингдан зиёд дарахт экди. “Барселона” эса чипта нархига 0,5 евро миқдорида эко-солиқ қўшиб, бу маблағни “Камп Ноу” ва машғулот базасида қуёш панеллари ўрнатиш ҳамда ёмғир сувини йиғиш тизимларини жорий қилишга сарфламоқда. Шунингдек, Криштиану Роналду Португалия термасининг ҳар бир аъзосига нархи 280-400 минг доллар атрофидаги эксклюзив Jacob & Co соатларини совға қилгани ҳам кенг муҳокама қилинди.
