Болгариянинг София шаҳрида бокс бўйича Странжа—2023 мусобақасининг олтинчи кунги жанглари якунланди. 25 феврал куни ушбу турнирда 18 нафар ўзбекистонлик боксчи яримфинал жангларида иштирок этди. 11 нафар ўзбекистонлик боксчи ўз жангларини ғалаба билан якунлади ва финал йўлланмасини қўлга киритди.
Баҳодир Жалоловнинг яримфиналдаги рақиби ҳам жангга чиқмагани сабабли, тўғридан тўғри финалга йўл олди. Унинг чоракфиналдаги рақиби, Қозоғистон миллий жамоаси етакчиси Қамшибек Қўнқабаев ҳам жароҳат туфайли рингга чиқишдан бош тортганди.
Чоракфиналда Абдумалик Халаков, Лазизбек Мулложонов ва Мадияр Саидраҳимов каби номдор боксчилар муваффақиятсизликка учраб, иштирокини тўхтатганди.
Ҳадичабону Абдуллаева, Шунқор Абдурасулов, Дилшод Абдумуродов, Нурислом Исмоилов, Ҳавасбек Асадуллаев ва Жасурбек Йўлдошев эса финал остонасида мағлубиятга учраб, бронза медали билан кифояланди:
– 48 кг: Саидахон Раҳмонова – Калаивани (Ҳиндистон) 5:0 ғалаба
– 63 кг: Хадичабону Абдуллаева – Кеона Сам-Син (Нидерландия) 2:3 мағлубият
– 48 кг: Шодиёржон Мелиқўзиев – Ергунал Себатин (Болгария) 3:2 ғалаба
– 51 кг: Ҳасанбой Дўстматов – Жимао Жанг (Хитой) 4:1 ғалаба
– 54 кг: Миразизбек Мирзахалилов – Федерико Серра (Италия) 3:2 ғалаба
– 60 кг: Шунқор Абдурасулов – Радослав Росенов (Болгария) 1:4 мағлубият
– 60 кг: Адҳамжон Муҳиддинов – Дилшод Абдумуродов 5:0
– 63,5 кг: Руслан Абдуллаев – Макс Макклери (Австралия) 5:0 ғалаба
– 63,5 кг: Мужибилло Турсунов – Эмило Гарсия (АҚШ) 4:1 ғалаба
– 67 кг: Асадхўжа Мўйдинхўжаев – Гурген Maдoян (Арманистон) 5:0 ғалаба
– 67 кг: Бекзод Ҳамидов – Себастьян Тертерян (Дания) 5:0 ғалаба
– 71 кг: Нурислом Исмоилов – Эрдемир Тугрулхан (Туркия) 0:5 мағлубият
– 71 кг: Саиджамшид Жаъфаров – Николай Тертерян (Дания) рақиб 1-раунддан сўнг жангни давом эттиришдан бош тортди
– 75 кг: Ҳавасбек Асадуллаев – Виллиам Чолов (Болгария) 2:3 мағлубият
– 80 кг: Жасурбек Йўлдошев – Робби Гонсалес (АҚШ) 0:5 мағлубият
– 86 кг: Шоҳжаҳон Абдуллаев – Георги Кушиташвили (Грузия) 5:0 ғалаба
+92 кг: Баҳодир Жалолов – Муҳаммад Абдуллаев (Озарбойжон) рақиб жангга чиқмагани сабабли, Жалолов финалга йўл олди.
Финал жанглари бугун бўлиб ўтади.
