Ўзбекистон крикет федерацияси томонидан крикет спорт турини кенг кўламда ривожлантириш борасидаги ишлар жадаллик билан амалга оширилмоқда.
Хусусан, федерация олий таълим муассасалари ўртасида ҳам крикет бўйича ҳамкорликни кенг йўлга қўйишни мақсад қилган.
Шу боис, 19 июнь куни Тошкент давлат иқтисодиёт университетида Ўзбекистон крикет федерацияси Тошкент давлат иқтисодиёт университети билан крикет спорт турини талаба-ёшлар орасида кенг ривожлантириш мақсадида икки томонлама ҳамкорлик меморандуми имзолади. Меморандумни Ўзбекистон крикет федерацияси раиси Азиз Михлиев ҳамда мазкур университетининг ёшлар масалалари ва маънавий-маърифий ишлар бўйича биринчи проректори Садирдин Худойқулов имзолашди.
Меморандум доирасида университет стадионида Тошкентнинг "Anfa" ҳамда Тошкент давлат иқтисодиёт университетининг крикет клублари ўртасидаги ўртоқлик ўйини ўтказилди.
Илҳом РАҲМОНОВ тайёрлади
