Финалда амалдаги чемпион Япония Эронга қарши саф тортди. Учрашувда форслар кунчиқар юрт вакилларига ҳеч қандай имконият қолдирмади – 6:0.
Шу тариқа, cоҳил футболи бўйича Эрон миллий жамоаси турнир ғолиби бўлиб, Осиёнинг 3 карра чемпионига айланди. Ҳозиргача фақат японлар ҳисобида 3та чемпионлик бор эди.
Соҳил футболи бўйича Осиё кубоги.
Финал
Япония – Эрон – 0:6
3-ўрин учун баҳс.
БАА – Уммон – 2:4.
Қайд этиш жоиз, Осиё кубоги В гуруҳида Ўзбекистон миллий жамоаси ҳам иштирок этиб, гуруҳ босқичида бўлажак чемпион Эрондан 2:11 ҳисобидаги қақшатқич зарбани қабул қилиб олганди. БААга ҳам 0:4 ҳисобида мағлуб бўлган вакилларимиз, Малайзияни 6:2 ҳисобида енгиб, 3 очко билан 3-ўринни эгаллаб, гуруҳдан кейинги босқичга йўлланма ололмаганди.
Маълумот учун, мусобақа давомида 28та ўйин ўтказилди ва унда 222та тўп киритилди. Эрон мусобақа давомида энг кўп – 54та тўп киритган. Япониялик Такуя Акагума 9та гол билан турнирнинг энг яхши тўпурари бўлди. Эронлик Месигар эса турнирнинг энг яхши футболчиси деб топилди.
Эрон ва Япония шу йилнинг 16-26 ноябрь кунлари БААда бўлиб ўтадиган соҳил футболи бўйича жаҳон чемпионатига йўлланмани қўлга киритди.
