Британ журнали ҳозирда фаолият юритаётган ва собиқ ўйинчилардан ташкил топган энг сермаҳсул 32 нафар футболчидан иборат рейтинг тузди. Португалиялик 38 ёшли голеадор рўйхатни бошқармоқда.
FourFourTwo талқинига кўра, вазиятлардан энг самарали фойдаланадиган футболчилар топ-15лиги:
1. Криштиану Роналду, Португалия;
2. Лионель Месси, Аргентина;
3. Эрлинг Холанд, Норвегия;
4. Герд Мюллер, Германия;
5. Ференц Пушкаш, Венгрия;\
6. Ромарио, Бразилия;
7. Марко ван Бастен, Нидерландия;
8. Эйсебио, Португалия;
9. Пеле, Бразилия;
10. Луис Суарес, Уругвай;
11. Ҳарри Кейн, Англия;
12. Златан Ибраҳимович, Швеция;
13. Алан Ширер, Англия;
14. Роберт Левандовски, Полша;
15. Килиан Мбаппе, Франция.
***
Саудия Арабистонининг «Ан-Наср» клубида тўп тепаётган португалиялик футболчи Криштиану Роналду Эрон қонунчилигини бузгани учун 99 дарра урилиши мумкин. Бу ҳақда Rouydad24 нашрига таяниб, «Коммерсантъ» хабар берди.
Криштиану Роналду 19 сентябр куни жамоаси билан Эронга борди. У Осиё Чемпионлар Лигасидан ўрин олган «Персеполис»га қарши ўйиндан олдин Теҳронда мухлислар билан учрашди ва Фотима исмли ногирон рассом қизни қучоқлаб, ўпди.
Нашрнинг ёзишича, Эрон Жиноят Кодексига кўра, футболчининг қилмишини «турмушга чиқмаган шахс томонидан содир этилган зино» деб талқин қилиш мумкин. Аммо, Криштиану Роналдуга нисбатан расман иш очилгани йўқ.
Шу билан бирга, Index.hr нашри манбасига кўра, футболчини жазолаш қарори сиртдан қабул қилинган ва келажакда Роналду Эронга қайтадиган бўлса, 99 дарра билан жазоланиши керак.
