Футбол тарихи ва статистикаси халқаро федерацияси ўз одатига кўра, 2022 йил якунлари бўйича турли йўналишларга дахлдор рейтингларини бирин-кетин янгиламоқда. Қуйида ўтган ҳафта давомида эълон қилинган янги рўйхатларга назар соламиз.
СУПЕРЛИГА: РЕЙТИНГ БЎЙИЧА ЎСИШ
Ўзбекистон Суперлигаси жаҳон миллий лигалари жадвалининг 57-поғонасида қайд этилди. Миллий чемпионатимиз кўрсаткичи 297 очкога тенг ва бу ОФК миқёсида 4-юқори натижадир. Қитъа рейтингида фақат Жанубий Корея, Япония ва Саудия Арабистони чемпионатлари бизнинг лигадан юқорида. Умуман олганда, Суперлига жаҳон рейтингида Украина ва Россия, БАА ва Қатар каби мамлакатлар чемпионатидан юқорида. Эслатиш керак, Ўзбекистон Суперлигаси 2021 йил якунидаги рейтингда жаҳон бўйича 66-ўрин, ОФК миқёсида эса 5-ўринда эди.
Эътиборли томони, IFFHS рейтингида АПЛ ёки Ла Лига эмас, Бразилия «А» серияси пешқадам бўлиб турибди. Яна бир жиҳат: еврокубокларсиз қолган Россия Премьер-лигаси бир йилда 36-ўриндан 80-поғонага тушди. Бошқа бирор чемпионатда бу қадар катта пасайиш йўқ.
Жаҳоннинг энг кучли миллий чемпионатлари
1. Бразилия - 1181 очко
2. Англия - 1086 очко
3. Испания - 967,5 очко
4. Германия - 921,5 очко
5. Италия - 866 очко
6. Франция - 855 очко
7. Португалия - 853,25 очко
8. Нидерландия - 808,75 очко
9. Аргентина - 798,5 очко
10. Парагвай - 701 очко
----------------------------------------------------------
57. Ўзбекистон - 297 очко
73. Украина - 256 очко
78. Беларусь - 242,5 очко
80. Россия - 223 очко
Осиё (ОФК)нинг энг кучли миллий чемпионатлари
18. Ж.Корея - 525,25 очко
30. Япония - 402 очко
40. С.Арабистони - 352,75 очко
57. Ўзбекистон - 297 очко
63. Эрон - 284,5 очко
64. БАА - 281,75 очко
67. Қатар - 267 очко
71. Таиланд - 257,26 очко
74. Хитой - 250,6 очко
----------------------------------------------------------
***
2022 йил якунлари бўйича тузилган жаҳоннинг энг кучли клублари рейтингига қарасак, унда Ўзбекистондан 3та вакил бор: «Насаф» — 183-ўрин (87 очко), «Сўғдиёна» — 249-ўрин (71,5 очко) ва «Пахтакор» — 390-ўрин (57 очко). Эслатма, ўтган йили ҳам биздан 3та жамоа рейтингга кирганди: «Насаф» - 213-ўрин, «Пахтакор» - 283-ўрин ва АГМК - 331-ўрин. Эътиборли факт: Қарши жамоаси бу сафар Осиёда кучли 10таликдан жой олди. (10-ўрин). ОФК миқёсидаги пешқадам - «Чонбук Хюндай Моторс» (Ж.Корея) умумий рейтингнинг 42-поғонасидан жой олди. Айтганча, Криштиану Роналду ва Жалолиддин Машариповнинг клуби - «Ал-Наср» 500талик рўйхатда ҳам йўқ. Жаҳон рейтинги пешқадами сифатида эса Бразилиянинг «Фламенго» жамоаси қайд этилди. «Реал» атиги 6-ўринда бўлса, «Барселона» 20-қаторда.
Жаҳоннинг 2022 йилги энг кучли клублари
1. «Фламенго» (Бразилия) - 299 балл
2. «Палмейрас» (Бразилия) - 284 балл
3. «Ливерпуль» (Англия) - 273 балл
4. «Челси» (Англия) - 250 балл
5. «Манчестер Сити» (Англия) - 248 балл
6. «Реал» (Испания) - 247 балл
7. «Бенфика» (Португалия) - 228 балл
8. «Порту» (Португалия) - 224 балл
9. «РБ Лейпциг» (Германия) - 220 балл
------------------------------------------------------------
10. ПСВ (Нидерландия) - 215,5 балл
11. «Бавария» (Германия) - 208 балл
16. «ПСЖ» (Франция) - 200 балл
20. «Барселона» (Испания) - 191 балл
Осиё (ОФК)нинг 2022 йилги энг
кучли клублари
42. «Чонбук Хюндай Моторс» (Ж.Корея) - 165 балл
99. «Ульсан Хюндай» (Ж.Корея) - 121 балл
115. «Ал-Ҳилол» (С.Арабистони) - 112 балл
133. «Тэгу» (Ж.Корея) - 104,75 балл
150. «Урава Ред Даймондс» (Япония) - 98 балл
161. «Кавасаки Фронтале» (Япония) - 93,5 балл
167. «Ал-Шабаб» (С.Арабистони) - 91,5 балл
172. «Патхум Юнайтед» (Таиланд) - 90,5 балл
179. «Йокогама Ф-Маринос» (Япония) - 88,5 балл
183. «Насаф» (Ўзбекистон) - 87;
---------------------------------------------------------
Ўзбекистонлик икки футболчи XXI асрда миллий чемпионатлар ўйинларида энг кўп гол урган тўпурарлар рўйхатидан жой олди. IFFHSнинг ушбу рейтингида жорий аср давомида миллий чемпионатлар юқори дивизионларида урилган голлар ҳисобга олинган. Рўйхат етакчиси Криштиану Роналдуда 498та гол бор. Кейинги ўринлар Лионель Месси ва Златан Ибрагимовичга тегишли.
Элит рўйхатда биздан икки футболчи бор. Хусусан, «Темирйўлчи» (ҳозирги «Қўқон-1912»), «Машъал», «Насаф», «Нефтчи», «Бунёдкор», «Андижон» ва «Истиқлол» жамоалари шарафини ҳимоя қилган Анвар Бердиев 164та гол билан Рууд ван Нистельрой (159та), Алессандро дель Пьеро (152та) каби машҳурлардан юқорига жойлашди. Шунингдек, Бердиевнинг ХХ асрда миллий чемпионатда 61та гол ургани кўрсатилган. Иккинчи вакилимиз - Зафар Холмуродов («Ҳисор, «Насаф», «Машъал», «Динамо», «Хоразм», «Олмалиқ») ҳисобида 21 асрда урилган 151та гол бор. Унинг ўтган асрдаги натижаси - 49та гол (жами 200та гол). Маълумот учун, Анвар Бердиев Ўзбекистон чемпионати доирасидаги 505та ўйинда 225та гол урган ва бу борада рекордчидир. Зафар Холмуродов эса 200та гол билан 2-ўринда бўлса, кейинги поғона Шуҳрат Мирхолдиршоевга тегишли - 194та гол.
XXI асрда миллий чемпионатларда энг кўп гол урган футболчилар
1. Криштиану Роналду - 498та
2. Лионель Месси - 487та
3. Златан Ибрагимович - 392та
4. Луис Суарес - 364та
5. Роберт Левандовски - 357та
6. Николас Муньос - 328та
7. Александар Журич - 304та
8. Хосе Кастильо - 289та
9. Али Ашфақ - 288та
10. Мартин Камбуров - 287та
96. Анвар Бердиев - 164та
107. Зафар Холмуродов - 151та
