Сербиялик теннисчи финалда Норвегия вакили Каспер Рууд устидан ғалаба қозонди — 7:5, 6:3.
Шу тариқа Жокович 2015 йилдан бери илк бор ва ўз фаолиятида олтинчи марта ушбу мусобақа ғолибига айланди. Бу орқали 35 ёшли сербиялик Новак АТP’нинг якуний турнирида олти марта чемпион бўлган Рожер Федерернинг рекордини такрорлади.
Туриндаги мусобақада Жокович жами ҳисобда 4 740 300 доллар ишлаб олди. Бу эркаклар ўртасидаги мусобақалар учун рекорд ҳисобланади. Сербияликнинг умумий мукофот пуллар қиймати 165 миллион долларга етди. Ҳеч қайси теннисчи ундан кўп қиймат қайд эта олмаган.
