Исроилнинг Иерусалим (Қуддус) шаҳрида дзюдо бўйича Мастерс сериясига кирувчи мусобақа старт олиш арафасида. Йилнинг энг сўнгги мусобақасида ҳар бир вазннинг энг кучли 36 нафар спортчиси иштирок эта олади холос.
Миллий Олимпия қўмитаси матбуот хизмати тарқатган хабарга кўра, ушбу мусобақада Ўзбекистон терма жамоаси 17 нафар спортчи билан иштирок этади. Бугун мусобақадан аввал беллашувларга қуръа ташланди. Ғолибга 900 рейтинг очкосини тақдим қилувчи мазкур мусобақани ҳамюртларимиз қуйидаги рақибларига қарши бошлашади:
Эркаклар:
-60 кг: Дилшодбек Баратов – Давид Пулкрабек (Чехия)
-66 кг: Сардор Нуриллаев – Хуан Постигос (Перу)
-66 кг: Муҳриддин Тиловов – Альберто Гаитеро (Испания)
-73 кг: Шаҳрам Аҳадов – Абдул Малик Умаев (Бельгия)
-73 кг: Обидхон Нўъмонов – Александру Раису (Руминия)
-73 кг: Муроджон Йўлдошев – Жоан-Бенжамин Габа (Франция) / Игорь Вандтке (Германия)
-73 кг: Ҳикматиллоҳ Тўраев – Данияр Шамшаев (Қозоғистон)
-81 кг: Шарофиддин Болтабоев – Доминик Рессел (Германия)
-90 кг: Давлат Бобонов – Дидар Хамза (Қозоғистон) / Клен Калжулайд (Эстония)
-100 кг: Музаффарбек Тўрабоев – Онисе Санеблидзе (Грузия)
-100 кг: Отабек Тўрабоев – Кайл Райс (Канада)
+100 кг: Алишер Юсупов – Кристиан Коновал (АҚШ) / Марти Пумалайнен (Финляндия)
+100 кг: Шоҳруҳ Бахтиёров – Эней Маринич (Словения)
Аёллар:
-52 кг: Сида Қадамбоева – Анжелика Делгадо (АҚШ)
-52 кг: Диёра Келдиёрова – Фабиан Кохер (Швейцария) / Ерин Жунг (Ж.Корея)
-70 кг: Гулноза Матниязова – Элизавет Телцидоу (Греция)
-70 кг: Шоҳиста Назарова – Эви Марие Гахе (Франция)
Манба: sports.uz
