«МЮ» бош мураббийи ролида донг таратган мутахассис 1941 йилнинг охирги куни Говане шаҳарчаси (Глазго, Шотландия)да туғилган. 1986-2013 йиллар оралиғида «қизил иблислар»ни узлуксиз бошқарган сэр Алекс Британия футболиданги энг совриндор мураббий саналади.
1368та расмий ўйинда 829та ғалаба ва 45та жамоавий соврин - бу Алекс Фергюсон фаолиятининг асосий кўзгуси. АПЛнинг ўзида 13та чемпионлик! World Soccer ва ESPN талқинига кўра, Ферги барча замонларнинг энг яхши мураббийи сифатида эътироф этилган. Умуман, ҳозирда муайян мутахассиснинг АПЛ клубини нақ 26 йил давомида танаффуссиз бошқариши ақлга сиғмайди. Буюк Ферги эса буни уддалаган. Фақт шуки, «МЮ» Фергюсон раҳбарлигида аввалги бутун 100 йиллик давридагидан кўпроқ соврин ютган.
Факт. 1999 йили Алекс Фергюсон қиролича Елизавета II фармони билан Буюк Британия қироллиги рицари унвонига лойиқ топилган. 2002 йили эса Англмя футболи «Шон-шуҳрат» залига киритилган. Сэр Алекс шунингдек, Абердин шаҳри фахрий фуқароси ҳисобланади.
