Ўрта вазн тоифасида WBA Asia камари эгаси бўлган Баҳромжон Фозилов танзаниялик Нкулулеко Мҳленгога қарши жанг олиб бориши керак эди. Аммо рақиб виза билан боғлиқ муаммолар сабабли жанг манзилига етиб кела олмади. Фозиловга эса бошқа бир тажрибали боксчи Дмитрий Микҳайленко рақиблик қилади.
Супер ярим ўрта вазн тоифасида WBA Asia East камари эгаси бўлган Мирзакамол Неъматов эса россиялик Асланбек Козаев билан жанг ўтказади.
Ушбу профессионал бокс оқшоми Тошкент вақти билан соат 22:55 дан бошлаб Россиянинг Боец ТВ каналида жонли намойиш этилади.
Манба: sports.uz
