Ахир «Камп Ноу»да маълум депсинишдан сўнг қайта кўтарилиш жараёнига киришган икки мегаклуб тўқнашди. Муҳими, мухлислар қизиқишига яраша, чиройли футбол намойиш этилди. Қисқача таъриф берганда, ҳар томонлама ЧЛ даражасига мос ўйин бўлди.
Маълумотларга қараганда, 2:2 ҳисобида якунланган «Барселона» - «МЮ» ўйинининг телеаудиторияси 116 миллион томошабинга етди. Таққослаш учун айтсак, ЧЛ 1|8 финали доирасидаги асосий тўқнашувлардан бири саналган «ПСЖ» - «Бавария» (0:1) баҳси 47 миллион телеаудитория йиғди. Ўртадаги фарқни қаранг.
Яна бир факт шуки, «Барселона» - «МЮ» ўйинини 90255 мухлис бевосита «Камп Ноу»да кузатиб борди. Бу ЕЛ тарихидаги рекорд натижадир. Бунга қадар иккинчи рақамли еврокубок турнирида энг кўп мухлис 2017 йили «Тоттенхэм» - «Гент» учрашувига ташриф буюрганди - 80465 мухлис. Қисқаси, рекорд бирданига деярли 10 минг томошабин даражасида яхшиланди.
ЕЛ тарихида энг кўп мухлис тўплаган ўйинлар
1. «Барселона» - «МЮ» (2023 йил): 90255
2. «Тоттенхэм» - «Гент» (2017 йил): 80465
3. «МЮ» - «Ливерпуль» (2016 йил): 75180
4. «МЮ» - «Фенербахче» (2016 йил): 73063
5. «Динамо» К. - «Эвертон» (2015 йил): 67553
