15 декабрь куни Грозний шаҳрида “Колизей” аренаси “ACA Young Eagle 43” турнирига мезбонлик қилади. Мазкур турнир қайсидир маънода АСА промоушенига саралаш вазифасини ҳам ўтаб беради.
Биз учун аҳамиятли жиҳати, ушбу жанг оқшомида ўзбекистонлик Алихон Ҳасанов ҳам октагонга кўтарилади. Унга доғистонлик Исмаил Келеметов рақиблик қилади. Баҳс ярим енгил вазн (65,8 кг) тоифасида бўлиб ўтади.
Маълумот учун, юртдошимизнинг профессионал рекорди 15-6 бўлса, Келеметовнинг рекорди 8-1 кўриниш олган.
