23 май куни Тошкент вақти билан соат 23:00 да бошланадиган U-20 Жаҳон чемпионати 2-туридан ўрин олган Янги Зеландия – Ўзбекистон учрашувига ҳакамлар тайинланди.
Ўйинни ямайкалик Ошейн Энтони Нэйшн бошқариб боради. Унга қанотларда ҳамюртлари Ажай Жоан Духан ва Жассет Керр-Уилсон ёрдам беради. Тўртинчи ҳакам сифатида мавританиялик Абдулазиз Мухаммад Буҳ фаолият кўрсатиши белгиланган.
VARда никарагуалик Татьяна Ауксилиадора Гусман Альгера ҳамда франциялик Вилли Делайод ишлайди.
Кеча ўтган учрашувларда қуйидаги натижалар қайд этилди: “Д” гуруҳида Италия-Бразилия – 3:2, Нигерия–Доминикан Республикаси – 2:1, “С” гуруҳида Сенегал–Япония – 0:1, Исроил–Колумбия – 1:2.
Бугун, 22 май ва эрта 23-24 май кунлари “Е” гуруҳида Англия –Тунис, Уругвай – Ироқ, “Ф” гуруҳида Франция – Жанубий Корея, Гамбия – Гондурас, “А” гуруҳида Янги Зедандия – Ўзбекистон, Аргентина – Гватемала, “Б” гуруҳида АҚШ – Фиджи, Словакия – Эквадор ўйинлари бўлиб ўтади.
Айни пайтда 1-тур якунларига кўра, “А” гуруҳида 3 очкога эга Аргентина ва Янги Зеландия, “Б” гуруҳида 3 очколи Словакия ва АҚШ, “С” гуруҳида 3 очко жамғарган Колумбия ва Япония, “Д” гуруҳида 3 очко қўлга киритган Италия ва Нигерия жамоалари пешқадамлик қилмоқда.
Т.Рўзиев, ЎзА
