Исроил давлатида бўлиб ўтаётган FIDE жамоалари ўртасидаги жаҳон чемпионатининг саралаш босқичи ўз ниҳоясига етди.
Ушбу босқичда "Б" гуруҳида иштирок этган ўзбекистонлик шахматчилар сўнгги 5-турда Польша билан 2:2 ҳисобида дуранг ўйнади. Шуни қайд этиш лозимки, ушбу турда GM Нодирбек Якуббоев ва GM Жавоҳир Синдаров ўрнига IM Ортиқ Ниғматов ва IM Абдималик Абдисалимовга имконият берилди.
5 та турдан иборат саралаш босқичи якунларига кўра, 7 очко жамғарган Ўзбекистон пешқадамликни сақлаб қолди ва гуруҳда энг яхши натижани қайд этган 4 та жамоа чорак финалга йўл олди.
Ҳамюртларимиз 23 ноябрь куни плей оффда Украина вакилларига қарши дона суради.
Манба: sports.uz