Кореяда ўтаётган ўқ отиш спорти бўйича Осиё чемпионатининг навбатдаги баҳслари ҳам Ўзбекистон терма жамоаси учун сермаҳсул ўтди. Бугун ҳамюртларимиз икки йўналишда шоҳсупага кўтарилишди. Бу ҳақда Ўзбекистон Миллий Олимпия қўмитаси матбуот хизмати хабар бермоқда.
10 метрга тўппончадан отиш дастури жамоамизнинг энг кучли йўналишига айланиб бормоқда. Кеча Вениамин Никитин U18 тоифасида кумуш медални қўлга киритган бўлса, бугун Муҳаммад Камалов U20 тоифасида бронза медали билан тақдирланди.
1-ўрин Самрат Рана (Ҳиндистон)
2-ўринСагар Данги (Ҳиндистон)
3-ўринМуҳаммад Камалов (Ўзбекистон)
Шунингдек, Вениамин Никитин, Содиқжон Абдуллаев ҳамда Муҳаммадюсуф Ҳайдаровдан иборат трио ўсмирлар ўртасидаги жамоавий дастурда бронза медали соҳибига айланишди.
1-ўрин Ҳиндистон
2-ўрин Корея Республикаси
3-ўрин Ўзбекистон
Манба: sports.uz
