Ўз даврида профессионал бокс бўйича мутлақ жаҳон чемпионлигини қўлга киритган Майк Тайсон бугунги кунда замонавий боксда энг зўри ким эканини айтди.
Тайсоннинг таъкидлашича, айни пайтда Теренс Кроуфорддан зўри йўқ. Бироқ¸ Майк бу чарм қўлқоп устасининг кенг жамоатчилик яхши танимаслигини ҳам қўшимча қилди.
- Теренс Кроуфорд — дунёнинг энг зўр боксчиси. Лекин у ўз жангига беш мингта чипта сота олмайди. Райан Гарсия ҳам бор. У жуда таниқли йигит, унинг жангларида арена тўлиб-тошади, - деди Майк Тайсон.
Кроуфорд ўз вазнида 39 та жанг ўтказиб, барчасида ғолиб чиққан ва 30 та учрашувда рақибларини нокаутга учратган.