Аввалроқ Лондон клуби аргентиналик мутахассисни бош мураббий этиб тайинлашга қарор қилгани хабар берилганди. Тез орада томонлар узоқ муддатли шартнома тузишади.
Почеттино клуб спорт директорлари Лоуренс Стюарт ва Пол Уинстенли билан таркибни яхшилаш имкониятларини муҳокама қилмоқда. Клуб ҳужумчи, яримҳимоячи ва дарвозабон билан шартнома имзолашни режалаштирмоқда.
Ҳужум учун энг асосий мақсад — «Интер» футболчиси Лаутаро Мартинес. Шунингдек, «Челси» Виктор Осимҳенга қизиқиш билдирмоқда, аммо «Наполи» ҳужумчисини трансфер қилиш қийин бўлади.
Эмилиано Мартинес («Астон Вилла», Аргентина) «кўклар»нинг янги дарвозабони бўлиши мумкин. Яримҳимоя чизиғини кучайтириш учун лондонликлар икки вариантни кўриб чиқишмоқда — Деклан Райс («Вест Ҳэм») ва Алексис Макаллистер («Брайтон»). Биринчиси учун «Арсенал» , иккинчиси бўйича «Ливерпуль» билан рақобатлашиш керак бўлади.
Бундан ташқари Почеттино Мэйсон Маунтни жамоада қолишга кўндирмоқчи. Шунингдек, у «Интер»да ижарада ўйнаётган Ромелу Лукаку билан ҳужумчининг клубдаги келажаги ҳақида гаплашади.
