Бугун ҳамюртимиз Отабек Холматов АҚШда навбатдаги жангини ўтказди. WBA камари учун америкалик Раймон Фордга қарши кечган баҳсда Отабек 12-раунд тугашига 7 сония қолганида имкониятни бой берди.
Бу вақтга келиб, жанг ҳакамлари 11 раунд якунига кўра Отабек фойдасига 106:103, 104:105 ва 106:103 ҳисобларини қайд этишган экан.
Сўнгги раундда ҳамюртимиз 9:10 ҳисобида мағлуб бўлган тақдирда ҳам, умумий очколар эвазига ғалаба қозонган бўларди.
***
Отабек Холматов ҳамкорлик қилаётган Top Rank компанияси бугун боксчи тиззадаги жароҳат билан жанг қилганини маълум қилди.
"Холматов тиззадаги жароҳати билан жанг қилди", "Отабек Холматов ЖАНГЧИ" дейилади компания матбуот хизмати хабарида.
***
Ушбу ғалаба орқали Раймонд Форд ярим енгил вазн тоифасининг WBA камарини қўлга киритди.
