21-26 февраль кунлари Руминиянинг Брашов шаҳрида бокс бўйича ёшлар ўртасидаги "Dracula Open" халқаро турнири бўлиб ўтди.
Жаҳоннинг 26 мамлакати қаторида Ўзбекистон терма жамоаси аъзолари ҳам 5 нафар боксчи билан иштирок этди.
Ўзбекистон бокс федерацияси матбуот хизматининг хабар беришича, мусобақада иштирок этган 5 нафар боксчимизнинг барчаси финалга қадар етиб борди.
Турнир якунига кўра, 4 нафар боксчимиз олтин, яна 1 нафари эса кумуш медални қўлга киритди:
Олтин:
-51 кг: Мирали Мавлонов
-67 кг: Шавкатжон Болтаев
-71 кг: Жавоҳир Умматалиев
-75 кг: Фазлиддин Эркинбоев
Кумуш:
-60 кг: Сайат Илясов
Манба: sports.uz
